ઈ.સ. ૧૯૬૧ ની સાલમાં અમદાવાદ મુકામે મંગળ ભુવન લાલદરવાજા પાસે સૌ પ્રથમ સંમેલનનું આયોજન કરવામાં આવ્યું.

આ વખતે સમાજનું નામ શ્રી પાંચગામ ગુજરાતી સઇ-સુથાર દરજી જ્ઞાતિ
એવું આપવામાં આવ્યું ન હતું ફક્ત ‘શ્રી ગુજરાતી સઈ સુથાર જ્ઞાતિ‘એ નામથી જ આપણો સમાજ ઓળખાતો હતો. બીજા બધા ગોળમાં તેમનાં પોતાનાં ચોક્કસ નામો હતા. જયારે આપણા સમાજને કોઈ ચોક્કસ નામથી ઓળખતું ન હતું.

આપણો સમાજ મુળ પાંચગામમાં વહેંચાયેલો છે. જે પાંચગામ કડી-વીરમગામ-પાટડી – માંડલ દેત્રોજ એમ પાંચ ગામમાંથી આજે બધાજ લોકો ૫૦ ગામમાં રહેતા થઈ ગયા છે. જેની મોટા ભાગની વસ્તી અમદાવાદમાં રહે છે. અને ઈગ્લેન્ડ અને અમેરિકા સુધી પણ આપણા ભાઈ બહેનો રહે છે. આમ સમાજે છેલ્લા ૩૫ વર્ષમાં ખુબ જ પ્રગતી કરી છે. અને દિવસે દિવસે પ્રગતી કરતી જાય છે. ડૉક્ટર, વકીલ, એન્જીનિયર, કોમ્પ્યુટર એન્જીનિયર, નગ્નીંગ ક્ષેત્રે, રેડીમેઈડ ઉદ્યોગ, બેકીંગ ક્ષેત્રે તેમજ સારી સરકારી નોકરી મ્યુનિ. તેમજ ગામમાં તલાટી, મામલતદાર ક્ષેત્રે પણ આગવું સ્થાન ધરાવે છે.